ငါတယောက်ထဲ

ငါတယောက်ထဲ

မတုန်မလှုပ်
ကျောက်ဆစ်ရုပ်လို
ငုတ်တုပ် ငေးမျှော်
အဖေါ်မဲ့ အထီးကျန်
အခန်းကျဉ်းလေးထဲမှာ
ငါတယောက်ထဲပါ ။
........................ ကျော်စွာလင်း ( ရိုးမ )
၁၇.ဝ၇.၂ဝ၁ဝ

မနက်ခင်းလိုအချစ်

မနက်ခင်းလိုအချစ်

ညအမှောင်ခရီးတွေထဲမှာ
အိမ်မက်တွေကို နှုတ်ဆက်ရင်း
မနက်ခင်းလေးကို လှုပ်နှိုးပေးဖို့
သတိရခြင်း ရထားတစင်းလို ခုပ်မောင်းလို့နေတယ် ...

ပင်လယ်ပြင် မနက်ခင်းတို့ရဲ့
နေခြည်နဲ့ လှိုင်းကလေးတွေလို
မင်းကိုလှုပ်နှိုးပြီး အနမ်းဦးလေးပေးပါရစေ …

ရင်ခုံသံတွေ စည်းချက်ညီတဲ့
နှစ်ဦးသား တွဲယှက်နေတဲ့အချိန်လေးတွေ
တစိမ်းဆန်ဆန် ပြေးထွက်မသွားဖို့
ဖမ်းဆုပ်လို့ပေးထားပါ…

မနက်ခင်းမှာ တွန်ချိုညှင်းတဲ့
ငှက်ကလေးများရဲ့ တေးချင်းတွေလဲ
တို့နှစ်ဦးရဲ့ ရင်ခုန်သံအောက်မှာ
ပျောက်ဆုံးလို့နေတယ် …

မနက်ခင်းပွင့်တဲ့ ပန်းကလေးတွေလဲ
သင်းရနံ့လေးတွေကို လမ်းခင်းလို့ပေးရင်း
မင်းရဲ့ကေသာအောက်မှာ
ဒူးထောက်လို့ခစားနေကြတယ် …

မနက်ခင်း နေခြည်ဥလေးတွေလို
အမြဲတမ်းနူးရွနေတဲ့ မင်းရဲ့အပြုံး
လောကအားလုံး အလှတရားတွေထက်
အမြတ်နိုးဆုံး အရာတခုပါ …

မနက်ခင်းမှာ မင်းနဲ့အတူသောက်တဲ့
ကာဖူချီနိုကော်ဖီခွက်ပေါ်က
ပန်းနုရောင် မင်းရဲ့နုတ်ခမ်းလေးတွေလည်း
ကိုယ့်ရဲ့ရင်ခုံသံတွေထဲမှာ
ရှင်သန်လှိုက်ခုံ ဖူငုံလို့နေတယ် …

အိုဘယ့် ချစ်သူရယ်
မင်းဟာကိုယ့်ဘဝရဲ့မနက်ခင်း
အလှတရားအားလုံးကိုဖန်စင်း
တသိပ်သိပ်ချစ်ခြင်းများနဲ့
ရင်ခုန်ခြင်း မနက်ခင်းတိုင်းရဲ့ မင်းရင်ခွင်မှာ
မှေးစက်လို့ခိုနားခွင့်ပြုပါ …

ကျော်စွာလင်း (ရိုးမ)
ဝ၃.ဝ၆.၂ဝ၁ဝ

ဆန္ဒ

ဆန္ဒ

ပြည့်စုံမှုမရှိပေမယ့်
ဖြူစင်ခြင်းရင်ခွင်တခုနဲ့ပဲ ချစ်ခွင့်လေးပေးပါ …

ရယူပိုင်ဆိုင်ဖြည့်စည်းခြင်းတွေထက်
အကြွင်းမရှိ ပေးဆပ်ခွင့်ပြုပါ …

ရင်ထဲမှာရှိသမျှ
အတ္တနဲ့မာနတရား
နှလုံးသားအပြင်ဘက်ကိုမောင်းထုတ်ရင်း
အထီးကျန်ခြင်း နေ့ရက်တွေရဲ့ တဘက်ခြမ်းမှာ
မင်းနဲ့အတူ လျှောက်လှမ်းခွင့်ပြုပါ …

ကျယ်ပြန့်နက်ရှိုင်းတဲ့ နှလုံးသားပင်လယ်ပြင်ထဲမှာ
မနက်ခင်းတို့ရဲ့ နေခြည်နဲ့မိုးစက်ကလေးတွေလို
ပန်းကလေးတွေကို ဖူးပွင့်လန်းဆန်းစေဖို့ …

မြေပြင်မှာ ကြွေလွင့်နေတဲ့
ပန်းချောက်ကလေးတွေကို
ရွရွကလေးကောက်
ဖွဖွကလေးနမ်းရင်း
ဝေဒနာအလွမ်းကလေးများ
ထပ်တူခံစားတတ်ဖို့ …

လေပြေအဝှေ့မှာ
ညည်းတွားငိုရှိုက်နေတဲ့
ကြွေလွင့်ဆဲသစ်ရွက်ကလေးတွေကို
သနားကြင်နာနွေးထွေးတတ်ဖို့ …

အဖေါ်မဲ့တဲ့ ငှက်ကလေးတွေကိုမြင်တဲ့အခါတိုင်း
အကြင်နာတရားတွေထားရင်း
ပျော်ရွှင်ခြင်းနှလုံးသားကို
မျှဝေအဖေါ်ပြုပေးတတ်ဖို့ …

ဝတ်မှုံလေးတွေကူးပေးရင်း
ပန်းကလေးတွေနဲ့ ကြည်နူးနေတတ်တဲ့
လိပ်ပြာကလေးတွေကိုမြင်တဲ့အခါတိုင်း
ထပ်တူခံစား အပြုံးများနဲ့ နှုတ်ဆက်တတ်ဖို့ …

ပင်လယ်ပြင်ကမ်းနဖူးပေါ်မှာ
ယှဉ်တွဲပျော်မြူးနေတဲ့
စင်ရော်မောင်နှံလေးတွေကိုမြင်တိုင်း
ရင်ထဲလှိုင်းခတ် ကြည်နူးနေတတ်ဖို့ …

အမှောင် ညနက်တွေထဲမှာ
သူတတ်စွမ်းသလောက်နဲ့
အလင်းစက်ကလေးတွေ မျှဝေပေးတဲ့
ပိုးစုန်းကြူလေးတွေနဲ့ ဆုံတဲ့အခါတိုင်း
ဖွင့်ဟခွန်းချို ကျေးဇူးစကားဆိုတတ်ဖို့ …

အာကာယံကောင်းကင်ထဲမှာ
လမင်းစန္ဒာနဲ့ ကြယ်တာရာတွေစုံတဲ့ညတိုင်း
ချစ်တဲ့သူတိုင်း ပေါင်းရစေသားလို့
တောင်းဆုချွေ ချစ်စကားလေးတွေနဲ့
နှလုံးသားတွေလှပစေဖို့ …

ချစ်သစ္စာအလှတရား
ကြင်သူ့အပေါ်မှာထားရှိရင်း
ကျောက်သားအသွင် အစဉ်ဖြစ်စေဖို့ …

အိုဘယ့် … ချစ်သူရေ
မင်းရဲ့ရင်ခွင်မှာ ချစ်ခြင်းတရားတွေကိုသင်ယူရင်း
မထင်မှတ်တဲ့ ချွတ်ယွင်းချက်လေးများရှိခဲ့မယ်ဆိုရင်
လမ်းပြလို့ခွင့်လွှတ်ပေးပြီး
ရှေ့ဆက်မဲ့ ချစ်ခရီးလမ်းတွေတွက်
မြစ်တစင်းလို ရှင်သန်ခွင့်ပြုပါ …

ကျော်စွာလင်း ( ရိုးမ ) ဝ၉.ဝ၆.၂ဝ၁ဝ